سراب ناوکش

سر سرآو که ناوکش کولا  بونی                 غم وغصه روزگار د ویر بوری وا یار بخنی

هرکس گذرکرده وناوکش دش داره خاطره       چون ناوکش پر د درخت وسایه ساره

گوشه د بهشته مله شونو                           چه باصفا سرآو کی وا ملک میرزاونو

سرآو کی یادت وخیر واگپون ایلت            تنگ هرورمی ارزه وکل دنیاهرکه بکه سیلت

سرآو کی یادت وخیر واهمه پازنونت    خوش وحال میرزاون وحاتم که بینه دودمونت

افتخارم ینا که زادگاهم چگنیه       نماد ایل گپم ستره وا گلونیه

چگنی داره فره کدخدا                

 همه رفیقو یکدل و یک صدا

چگنی پشتش ها داسبیکوه وا یافته     مردانش دلیرو شجاع چی شیر خفته

آو تاف وسردآو،مغار و باریکی        د کل لرسو چگنی تکی

هشتادپلی وگری،تاف وکوه کلا        اسبیکوه ویافته ،کوربیر وا تنگ قلا

بداق وشاکرم ،حاتم و میرزا            رحیم وشرف،بهرام وفتح الله

چگنی خاکش پاک و دامون گیره     نمادو افتخارش اسبیکوه وا کوربیره 

ینون که گوتم نماد افتخارن            دس ودس یک دنه چی رفیق چی برارن

مه دار میخک تو دار ملهو             کوک کوه لونه کرد د سایه سار تو

یواش یواش ها آو مو برف نثار     یه نشون دهنده ینا ها میا فصل بهار

شاق شاق کوک نر چه دل نوازه     زمین پر د زرشک و ریواس و ترپیازه

اشکاریا کوه پرپیت میکن د قه سخت و کمریا      ایل مالگه ونه د زیر کپریا

چوکر و شکوفه و برگ  درختیا  بینه بی قرار        باد و سرما برف و یخ نیان پا د فرار

مخمل سوزه نشس و پا نثار          زنونکه آبادی مشکه و مالارن ونن و دار

هم دوره شروع بی رسم قشنگ کاسم سا     میخک و ملهون بکیت و دار و قه چیت جا

وا ذیل افتاو میا و گوشم دنگ کورکلاو وا دین دین محمد      چوپان و گوسفندان راهی بکیت و سلامت